УСПЕНИЕ БОЖИЕЙ МАТЕРИ, 28 августа
- Подробности
- Категория: Новости
- Опубликовано 01.09.2025 10:19
Праздничную Литургию и молебен в день Успения Божией Матери совершил настоятель храма священник Максим Казван. Накануне было отслужено всенощное бдение с чином Погребения Плащаницы Пресвятой Богородицы.
Чин Погребения Пресвятой Богородицы – особое богослужение в Православной Церкви, во время которого воспоминается успение и погребение в Гефсимании Божией Матери.
Стихира Успения
Отверзи уста и даждь намъ благословеніе, Пресвятая Богородице, / преставльшаяся отъ насъ конечнѣ. Воздаждь рабу Твоему, живи мя, и сохраню словеса Твоя. Не остави насъ нынѣ, сирыхъ, Мати, / отъ земли на небо нынѣ вземлема, / сопребывати имущая Сыну и Богу.
Погребение Богородицы апостолы совершили в день Ее славного успения. Пречистое тело Девы Марии торжественной процессией несли на одре через Иерусалим, чтобы положить его в гробнице в Гефсимании. В память об этом событии литургической жизнью Церкви принят благочестивый обычай совершать службу Погребения Божией Матери. Эта служба носит название «Священное последование на святое преставление Пресвятыя Владычицы нашея Богородицы и Приснодевы Марии».
Тропарь, глас 1:
В рождестве девство сохранила еси,
во успении мира не оставила еси, Богородице, преставилася еси к животу,
Мати сущи Живота, и молитвами Твоими избавляеши от смерти души наша.
Кондак, глас 2
В молитвах неусыпающую Богородицу и в предстательствах непреложное упование гроб и умерщвление не удержаста: якоже бо Живота Матерь к животу престави во утробу Вселивыйся приснодевственную.
Величание
Величаем Тя, Пренепорочная Мати Христа Бога нашего, и всеславное славим Успение Твое.
Задостойник, глас 1
Ангели, Успение Пречистыя видевше, удивишася, како Дева восходит от земли на Небо. Побеждаются естества уставы в Тебе, Дево Чистая, девствует бо рождество и Живот предобручает смерть; по рождестве Дева и по смерти жива, спасаеши присно, Богородице, наследие Твое.
***
Молитва на Успение Пресвятой Богородицы
О Милостивая и Премилостивая Царице Небесе и земли, Богородице Приснодево! Ходатайством Твоим помилуй страну нашу и воинство ея и вся православныя христианы, сохраняющи их под кровом милости Твоея, ризою Твоею честною защити и моли из Тебе воплощшагося без семене Христа, Бога нашего, да препояшет ны свыше силою на вся видимыя и невидимыя враги наша. Спаси же и помилуй, Госпоже, Великаго Господина и Отца нашего (имя), Святейшего Патриарха Московского и всея Руси, преосвященныя митрополиты, архиепископы и епископы православныя, иереи же и диаконы и весь причет церковный, и весь монашеский чин, и вся правоверныя люди, поклоняющияся и молящияся пред честною Твоею иконою. Призри на всех нас призрением милостивнаго Твоего заступления, воздвигни нас из глубины греховныя и просвети очи сердечныя ко зрению спасения, милостива нам буди зде и на Страшнем Суде Сына Твоего о нас умоли, преставльшияся во благочестии от жития сего рабы Твоя в вечней жизни со Ангелы и Архангелы и со всеми святыми причти, да одесную Сына Твоего Бога предстанут, и молитвою Твоею сподоби вся православныя христианы со Христом жити и радости ангельския в Небесных селениих наслаждатися.
Ты бо еси, Госпоже, слава Небесных и упование земных, Ты наша Надежда и Заступница всех притекающих к Тебе и Твоея святыя помощи просящих. Ты Молебница наша теплая к Сыну Твоему и Богу нашему. Твоя Матерняя молитва много может на умоление Владыки, и Твоим предстательством ко Престолу благодати Пресвятых и Животворящих Его Таин приступати дерзаем, аще и недостойнии. Темже всечестный образ Твой и рукою Твоею держимаго Вседержителя видяще на иконе, радуемся, грешнии, со умилением припадающе, и любовию сей целуем, чающе, Госпоже, Твоими святыми Богоприятными молитвами дойти Небесныя безконечныя жизни и непостыдно стати в день судный одесную Сына Твоего и Бога нашего, славяще Его купно со Безначальным Отцем и Пресвятым, Благим, Животворящим и Единосущным Духом, во веки веков. Аминь.